ივლისი 28, 2025

5 წუთებში

Торговля

ყველაფერი, რაც უნდა იცოდე “ხარის” და “დათვის” ბაზრის შესახებ

კრიპტობაზრის მერყეობა ბუნებრივი მოვლენაა, თუმცა არის პერიოდები, როდესაც აქტივების ფასები ხანგრძლივი დროის განმავლობაში მკვეთრად იზრდება ან იკლებს.

ეს სწორედ ის ტრენდებია, რომლებიც ასახავენ კრიპტო ბაზრის ზოგად მდგომარეობას კონკრეტულ დროით მონაკვეთში.

მოდით განვიხილოთ, რას ნიშნავს ეს ტრენდები, რა მახასიათებლები აქვთ და რით განსხვავდებიან ერთმანეთისგან.

ხარის ბაზარი – Bull Market

ხარის ბაზარი არის აღმავალი ტრენდი, რომელიც, პირველ რიგში, დადებითი ეკონომიკური ფონისა და ბაზრისადმი მაღალი ნდობით ხასიათდება. ეს არის ზრდის პერიოდი, როცა ინვესტორების მოლოდინები ოპტიმისტურია და კრიპტოს ფასები სტაბილურად იმატებს.
ტრადიციული ფინანსური ბაზრებისგან განსხვავებით, კრიპტო-სფეროში ფასების მატება ბევრად უფრო სწრაფია — 40%-იანი ზრდა რამდენიმე დღეში სრულიად ბუნებრივია. ზოგიერთ შემთხვევაში ფასები 2–3-ჯერაც კი იზრდება, განსაკუთრებით პოპულარულ კრიპტო აქტივეზე.

ხარის ტრენდი გრძელდება მანამ, სანამ მოთხოვნა აღემატება მიწოდებას. გარდა ამისა, ბაზრის მიმართ მაღალი ნდობის ფონზე, ინვესტორები სფეროში კიდევ უფრო მეტ კაპიტალს აბანდებენ, რაც ფასებს დამატებითი ზრდის საშუალებას აძლევს.

რა უწყობს ხელს ხარის ტრენდის წარმოშობას?

• ინტერესი ცნობილი სახეების მხრიდან — ლაიქები, ტვიტები, კომენტარები საჯარო ადამიანებისგან, რომლებიც მხარს უჭერენ კონკრეტულ კრიპტო აქტივს. სწორედ ასე მოხდა Dogecoin-ის შემთხვევაში, როდესაც ერთმა ტვიტმა მონეტის ფასი სულ რაღაც 2 საათში 14%-ით გაზარდა.
• სიახლეები დიდი კომპანიების მხრიდან კრიპტო აქტივებში განხორციელებული ინვესტიციების შესახებ. მაგალითად, Tesla-მ უკვე $2 მილიარდზე მეტი ჩადო ბიტკოინში. ასეთი ნაბიჯები არა მხოლოდ მედიის ყურადღებას იპყრობს, არამედ რისკების სადაზღვეო ინსტრუმენტადაც ფუნქციონირებს.
• პოზიტიური პროგნოზები ტრადიციული ფინანსური ანალიტიკოსებისგან.
• მოვლენები, რომლებიც საფრთხეს უქმნის ტრადიციულ ფინანსურ სექტორს — პანდემია, ომი და სხვა მსგავსი გლობალური კრიზისები.

ზრდის პერიოდი მუდმივი არ არის — და მაღალი მერყეობის გამო, ხარის ტრენდის ფაზაში ყველა ტრეიდერი ვერ ახერხებს მნიშვნელოვანი მოგების მიღებას. ბოლოს კი, ხარის ბაზარი ეტაპობრივად გადადის დათვის ბაზარში.

დათვის ბაზარი – Bear Market

ეს არის დაღმავალი ტრენდი, როდესაც ბაზრისადმი ნდობა მცირდება და კრიპტო აქტივების უმეტესობის ფასი მუდმივად იკლებს (20%-ით და მეტით). ისევე როგორც ფასების ზრდა, კლებაც საკმაოდ სწრაფად მიმდინარეობს. კრიპტო აქტივების მფლობელებს არ აქვთ სიცხადე, დაუბრუნდება თუ არა აქტივი წინა ფასს, რის გამოც უფრთხიან მისი დაბალ ფასად შეძენას — ეს კი კიდევ უფრო ამყარებს და ამაღრმავებს დაღმავალ ტრენდს.

დათვის ბაზრის პირობებში მიწოდება მნიშვნელოვნად აღემატება მოთხოვნას.

რა უწყობს ხელს დათვის ბაზრის წარმოშობას?

• სუსტი ეკონომიკა.
• უარყოფითი სიახლეების გავრცელება რომელიმე კრიპტო აქტივზე — ეს იწვევს შიშს და მოლოდინს, რომ მსგავსი ამბები შეიძლება კიდევ გავრცელდეს.
• ომი, პანდემია, ბუნებრივი კატასტროფები.
• მთავრობის ან რეგულატორი ორგანოების ჩარევა.
• ვაჭრობის მოცულობის შემცირება — გამოწვეულია მომხმარებლების შიშით ბაზრის გაურკვევლობის წინაშე.
• ნეგატიური მოლოდინები ტრადიციული ფინანსური სექტორიდან — მაგალითად, მხოლოდ ერთმა განცხადებამ 2017 წელს ბიტკოინის ფასი რამდენჯერმე შეამცირა.
• “ბეკვორდაცია” ან დეპორტი — როდესაც ფიუჩერსების ბაზარზე აქტივის ფასი დაბალია, ვიდრე მისი მიმდინარე საბაზრო ღირებულება.

დათვის ტრენდი ასევე არ არის მუდმივი, თუმცა შესაძლოა დიდხანს გაგრძელდეს — ის შეიძლება გაგრძელდეს რამდენიმე კვირა ან თუნდაც რამდენიმე თვე.

ტრენდის დასრულების შემდეგ, ბაზარი ეტაპობრივად გადადის ზრდის ფაზაში — და ასე ენაცვლება ერთი ტრენდი მეორეს.

ხარისა და დათვის ბაზრებს შორის განსხვავება

ორივე ტრენდი ერთი მონეტის ორი მხარეა. მათ შორის განსხვავება შემდეგში მდგომარეობს:

მიუხედავად იმისა, რომ ეს ფაქტორები დამახასიათებელია ხარის ან დათვის ბაზრებისთვის, მხოლოდ მათი ცოდნა არასაკმარისია იმისთვის, რომ დამოუკიდებლად შეძლო ასეთი პერიოდების წინასწარ განსაზღვრა.

იმისთვის, რომ გააცნობიერო, როგორ მუშაობს კრიპტო ბაზარი, აუცილებელია მუდმივად ისწავლო პათერნების ამოცნობა, ადევნო თვალყური გლობალურ მოვლენებს და ცნობილი პირების განცხადებებს. ფინანსურ ინსტრუმენტებთან მუშაობის უნარი კი გამოცდილებით მოდის.

ამიტომ განაგრძე სწავლა — წარმატებებს გისურვებთ!