რა არის KYC: მნიშვნელობა, პროცესი და უპირატესობები
ფინანსური ოპერაციების უსაფრთხოების, თაღლითობისა და ფულის გათეთრების წინააღმდეგ ბრძოლის მიზნით გაჩნდა საჭიროება მომხმარებელთა სრული ანონიმურობის გაუქმებისკენ. სწორედ ამიტომ შემოიღეს უმეტესმა კრიპტო ბირჟებმა მომხმარებლისთვის უკვე კარგად ცნობილი პროცედურა — KYC ვერიფიკაცია.
ამ სტატიაში აგიხსნით, რას ნიშნავს მომხმარებლის ვერიფიკაცია, რა უპირატესობები აქვს მას და როგორ უნდა გაიარო KYC პროცესი WhiteBIT Georgia-ზე.
რა არის KYC-ვერიფიკაცია?
KYC არის მომხმარებლის ვერიფიკაცია — იდენტობის დადასტურების პროცესი, რომელიც გულისხმობს პერსონალური მონაცემების წარმოდგენას. აბრევიატურა KYC ნიშნავს “Know Your Customer”, რაც ითარგმნება როგორც „იცნობდე შენს მომხმარებელს“.
სხვადასხვა კრიპტო ბირჟაზე იდენტობის დადასტურების მოთხოვნები, შემოწმების ვადები და საბოლოოდ მომხმარებლისთვის გათვალისწინებული უპირატესობებიც ერთმანეთისგან განსხვავდება. ზოგიერთი მომხმარებელი რთულად თანხმდება პერსონალური ინფორმაციის გაზიარებაზე, რადგან ზრუნავს მონაცემების კონფიდენციალურობაზე. თუმცა მნიშვნელოვანია გვახსოვდეს, რომ იდენტობის დადასტურება ბირჟის სანდოობის ერთ-ერთი მთავარი მაჩვენებელია. პლატფორმა, რომელიც შენგან არანაირ ინფორმაციას არ ითხოვს — არც პასუხისმგებლობას იღებს შენს წინაშე.
პრინციპი „იცნობდე შენს მომხმარებელს“ — რა უპირატესობები აქვს?
კლიენტის ვერიფიკაცია ურთიერთსასარგებლო პროცედურაა როგორც ცენტრალიზებული პლატფორმისთვის, ისე ტრეიდერებისთვის. უპირატესობები არსებობს ორივე მხარისთვის: ბირჟა იღებს ინფორმაციას მომხმარებლის შესახებ — რისკ-პროფილსა და ფინანსურ მდგომარეობაზე, ხოლო მომხმარებლები იღებენ ანგარიშის გაძლიერებულ დაცვას და იმ ფუნქციონალზე წვდომას, რომელიც არარეგისტრირებულებისთვის მიუწვდომელია.
ვერიფიკაციის ერთადერთი ნაკლი ანონიმურობის დაკარგვაა — თვისება, რომელსაც კრიპტო-საზოგადოების ბევრი წევრი განსაკუთრებით აფასებს. რაც შეეხება ბირჟებს, მათთვის ეს პროცესი დაკავშირებულია დამატებით ხარჯებთან — თანამშრომლების დაქირავება, მათი გადამზადება, სპეციალიზებული პროგრამული უზრუნველყოფა და მონაცემთა ბაზის უსაფრთხოების დაცვა.
KYC და AML: ფინანსური ტერორიზმის წინააღმდეგ ბრძოლა
AML იშიფრება როგორც Anti-Money Laundering — ანუ „ფულის გათეთრების წინააღმდეგ ბრძოლა“ და წარმოადგენს ნებისმიერი სანდო ბირჟის პოლიტიკის აუცილებელ ნაწილს. როგორც თავად სახელწოდება გვამცნობს, ეს არის ღონისძიებებისა და კანონების ერთობლიობა, რომელიც მიმართულია დანაშაულებრივი გზით მიღებული თანხების გათეთრების აღსაკვეთად. ამ კატეგორიაში შედის ისეთი კრიპტო აქტივები, რომლებიც მიღებულია ნარკოტიკული საშუალებების გაყიდვით, ტერორიზმის დაფინანსებით, ბავშვების ექსპლუატაციით, მასობრივი განადგურების იარაღის წარმოებით და სხვა მსგავსი დანაშაულებრივი საქმიანობით.
კრიპტო ტრანზაქციების ანონიმურობის გამო ციფრული აქტივების ბაზარი გახდა მიმზიდველი სივრცე ფულის გათეთრებისთვის. ეს ხელს უწყობს დამნაშავეებს და ზიანს აყენებს კეთილსინდისიერ მომხმარებლებს, რაც საბოლოოდ ამცირებს კრიპტო აქტივების რეპუტაციას.
ამიტომ ჩნდება AML-ისა და KYC-ის საჭიროება.
AML აერთიანებს KYC ბაზას და სხვა მონაცემთა წყაროებს, რათა გაანალიზოს ტრანზაქციები, გამოავლინოს საეჭვო მოქმედებები და გადაამოწმოს ისინი — KYC-ით დადასტურებული მომხმარებლების მონაცემების ბლოკჩეინის მისამართებთან.
შედეგად, მასობრივი KYC ვერიფიკაციის შემდეგ, კრიპტო აქტივების გადარიცხვები ხდება უფრო უსაფრთხო — რადგან მარტივია “ბინძური ფულის” კვალის დადგენა და დამნაშავეების პასუხისმგებლობაში მიცემა.
როგორ გავიარო იდენტობის დადასტურება (KYC) WhiteBIT Georgia-ზე?
პირადობის დადასტურება (KYC) არის ბირჟის მომხმარებლების იდენტიფიკაციის პროცესი. ის გვაძლევს საშუალებას დავიცვათ ჩვენი მომხმარებლების მონაცემები. ვაჭრობა, გაცვლა, კრიპტო აქტივების შევსება და გატანა ჩვენს პლატფორმაზე ხელმისაწვდომი ხდება დაუყოვნებლივ KYC ვერიფიკაციის გავლის შემდეგ.
ვერიფიკაციის გავლის პროცედურა მხოლოდ რამდენიმე წუთს მოითხოვს და არ საჭიროებს ტექნიკურ ცოდნას.
შეგიძლიათ მიჰყვეთ არსებულ ინსტრუქციას ჩვენს დახმარების ცენტრში, დეტალებისთვის იხილეთ სტატია.
ასევე რეკომენდირებულია 2FA ავთენტიფიკაციის დაყენება.
ორ ფაქტორიანი ავთენტიფიკაცია (2FA) — არის აპლიკაციის მიერ გენერირებული კოდი, რომელიც უზრუნველყოფს, რომ მხოლოდ შენ გქონდეს წვდომა შენს ანგარიშზე.
ასევე შესაძლოა ისე მოხდეს, რომ შენმა დოკუმენტებმა ვერ გაიაროს გადამოწმება. არ მიიღო ეს როგორც პირადი მარცხი — არაფერია საგანგაშო.
თუ პირველად იდენტობის დადასტურებაზე უარი მოგივიდა, ჩვენ გაძლევთ შესაძლებლობას, სცადო ხელახლა.
ხშირად დასმული კითხვები
KYC ნიშნავს "Know Your Customer" — „იცნობდე შენს მომხმარებელს“, რაც გულისხმობს მომხმარებლის იდენტობის გადამოწმების პროცედურას. KYC, ანუ კრიპტო ბირჟის ონლაინ იდენტიფიკაციის შემოწმება, წარმოდგენილია ვაჭრობის უმეტეს პლატფორმაზე. ეს პროცედურა ხშირად არჩევითია, თუმცა მომხმარებლებს ბევრ უპირატესობას აძლევს.
მომხმარებლის იდენტიფიკაციის გადამოწმება მნიშვნელოვანი ინსტრუმენტია ფულის გათეთრებასთან ბრძოლის პროცესში. ის უზრუნველყოფს ანგარიშების დამატებით დაცვას. გარდა ამისა, KYC-ის გავლით, შეძლებთ ანგარიშის აღდგენას იმ შემთხვევაშიც, თუ დაკარგავთ თქვენს 2FA კოდს.
KYC და AML ორი განსხვავებული, მაგრამ მჭიდროდ დაკავშირებული ტერმინია, რომლებიც ხშირად ერთად გვხვდება. AML (Anti-Money Laundering) წარმოადგენს ღონისძიებების ერთობლიობას, რომელიც მიზნად ისახავს უკანონოდ მოპოვებული თანხების გათეთრების წინააღმდეგ ბრძოლას. KYC არის AML-ის ნაწილი. თუ არსებობს ეჭვი თქვენი ტრანზაქციების „სისუფთავეზე“, AML და „იცნობდე შენს მომხმარებელს“ (KYC) შემოწმება დაამტკიცებს, რომ ეს თქვენი პატიოსნად მოპოვებული აქტივებია. სწორედ ამიტომ არის აუცილებელი KYC.
